بە پاڵپشتی سندوقی نەتەوە یەکگرتووەکان بۆ دانیشتوان (UNFPA) و هاوکاری وەزارەتی تەندروستی، ڕێکخراوی داری مرۆیی بەردەوامە لە ئەنجامدانی وۆرکشۆپی گەشەپێدان کە کادیرانی بەشە تەندروستییەکانی نۆ پارێزگا لەخۆ دەگرێت (بەغدا، دیالە، دی قار، نەینەوا، کەرکوک، موثەنا، دیوانیە، کەربەلا و نەجەف).
ئەم وۆرکشۆپانە لە بەغدا جێبەجێکراون کە تیایدا ٦٦ ڕاهێنەر بەشداری دەکەن بۆ وەرگرتنی ڕاهێنان لە دابینکردنی ڕاوێژی پزیشکی بۆ ئافرەتان بە بەکارهێنانی ئەو بڕۆشورانەی کە لەلایەن وەزارەتی تەندروستی و سندوقی نەتەوە یەکگرتووەکانەوە ئامادەکراوە، کە ڕوونکردنەوەیەکی نوێ لەخۆ دەگرێت لەسەر پەرەپێدانی میکانیزمەکانی ڕێکخستنی تەندروستی زاوزێ و منداڵی و خێزان بۆ کارمەندانی تەندروستی و هەروەها چۆنیەتی پێشکەشکردنی ئامۆژگاری و یارمەتی بۆ ئافرەتان. 
شایانی ئاماژەیە کە سندوقی نەتەوە یەکگرتووەکان بۆ دانیشتوان بە هەماهەنگی لەگەڵ ڕێکخراوی داری، پێشتر چەندین بەرنامەی ڕاهێنان و گەشەپێدانی بۆ کادیرانی بەشە تەندروستییەکانی عێراق لە بواری زاوزێ و تەندروستی ژنان جێبەجێ کردووە.